उद्देश्यः

१. योजना र नीति तर्जुमाका लागि राष्ट्रिय तथ्याङ्क कार्यालय (NSO) लाई समयमै गुणस्तरीय तथ्याङ्क उपलब्ध गराउने र जिल्लाको सामाजिक-आर्थिक अवस्थाको जानकारी लिने ।

२. तथ्याङ्क सङ्कलन, प्रशोधन, विश्लेषण, प्रकाशन, प्रसार र संकलित तथ्याङ्क संरक्षण गर्ने ।

३. तथ्याङ्कीय विसंगतिहरु कम गर्न तथ्याङ्क सङ्कलन, प्रशोधन र विश्लेषणमा संलग्न विभिन्न निकायहरूसँग समन्वय गर्ने।

४. राष्ट्रिय तथ्याङक कार्यालय लाई सहयोग गर्न जिल्लामा तथ्याङ्कीय गतिविधिहरूमा अग्रणी भूमिका निर्वाह गरी मानक तथ्याङ्कीय प्रणाली विकास गर्न मद्दत गर्ने ।

५. जिल्लामा तथ्याङ्कीय साक्षरता विकास गर्ने ।

मुख्य कार्यहरुः

१. स्विकृत वार्षिक कार्यक्रम बमोजिम विभिन्न क्षेत्रका प्राथमिक तथा द्वितिय तथ्याङ्क संकलन गरी राष्ट्रिय तथ्याङ्क कार्यालयमा पठाउने ।

२. राष्ट्रिय तथ्याङ्क कार्यालयबाट आफ्नो कार्य क्षेत्रमा सञ्चालन गरिने गणना एवं सर्वेक्षणमा संलग्न हुने ।

३. राष्ट्रिय तथ्याङ्क कार्यालयबाट जिल्लास्तरमा सञ्चालन हुने तालिम कार्यमा सघाउ पुर्याउने र स्थानीय स्तरमा कार्यक्रम सञ्चालन गर्न आवश्यक पर्ने तालिम सञ्चालन गर्ने ।

४. कार्य क्षेत्र अन्तरगतका स्थानिय तहहरुको तथ्याङ्क प्रोफाइल तयार गर्ने ।

५. जिल्लाहरुमा आवश्यक तथ्याङ्क उपलब्ध भए नभएको मूल्यांकन गर्ने ।

६. जिल्लास्तरीय तथ्याङ्क विकास कार्यक्रम बनाई केन्द्रमा पठाउने ।

७. जिल्लास्तरीय तथ्याङ्कीय क्रियाकलापहरुको समन्वय गर्ने ।